Классный час на тему «Республика Саха (Якутия)»

Автор: Егорова Маргарита Гаврильевна

Организация: МБОУ «Жилиндинская СОШ»

Населенный пункт: Республика Саха (Якутия), с. Оленек

1. Тэрээьин чааһа

Саха сиригэр дьон былыр – былыргыттан олорор. Кинилэр – төрүт олохтоох дьон буолаллар. Бултаан – алтаан, балыктаан аһаан – сиэн олорбуттара. Өрөспүүбүлүкэҕэ сүрүннээн сахалар олороллор. Кинилэр төрүт олохтоох омуктар. Ол иһин Саха сирэ дэнэр.

Саха сиригэр 126 араас тыллаах, үгэстээх, култууралаах омук олорор. Биһиги бары доҕордоһобут, бииргэ үөрэнэбит, олоробут.

Билигин сорудахтары толорон Саха сирин бэлиэлэрин кытта билсиэхпит.

1 сорудах. Көппүт буукубаны туруор. Г..рбэ.

Саха Өрөспүүбүлүкэтин Судаарыстыбыннай гиэрбэтин көр. Ити үрүҥ көмүстүү килэбэчигэс төгүрүк – күн. Ортотугар былаах туппут аттаах киһи көстөр. Төгүрүк үөһээ өттүгэр сэттэ кристалл таас кылабачыйар, бу Саха сиригэр былыр – былыргыттан сомоҕолоһон олорор саха, нуучча, эбэҥки, чукча, долган, юкагир омуктары кэрэһэлиир. Оттон аллараа өттүгэр өрөспүүбүлүкэ аата сахалыы уонна нууччалыы суруллар.

2 сорудах. Фишканан тылы таһаар. ○□○□□○

Саха Өрөспүүбүлүкэтин былааҕа сытыары түөрт өҥнөөх балаһалаах уонна маҥан төгүрүктээх. Үрүҥ күн - саха норуотун үгэстэригэр ытыктабыллаах сыһыан. Хас биирдии саха бэйэтин «Үрүҥ күн оҕотунабын» дэнэр. Үрүҥ өҥ – кытаанах Хоту дойду кэрэтин, үлэһит норуот сырдык санаатын; от күөҕэ – нэнлһийэн сытар халыҥ тыатын бэлиэтиир.

Физминутка. Сынньалаҥ.

3 сорудах. Холобурдары суоттаа. 35 – Г 15 – И 27 – М 10 – Н

20 + 15 = 35 13 + 14 = 27

27 – 12 = 15 7 + 3 =10

Саха Өрөспүүбүлүкэтин судаарыстыбыннай гимнэ.

Сахам сирэ дьоллоох тускуга

Саһарҕалыы ыҥыра ыллыыр,

Илинтэн арҕаа ол кустуга

Алмаас таас курдук сандаара сырдыыр.

Хос ырыата:

Барҕа быйаҥнаах Сахам дойдута-

Модун Россия киэн туттуута

Өркөн – өрөгөй тойугун туойдун,

Үүнэр үйэҕэ үрдүү туруохтун!

Үллэр үөстээх Өлүөнэ Эбэ

Өлбөт мэҥэ угуттуур уулаах,

Элбэх оллукка эрчим эбэр,

Или – эйэни олохтуур уохтаах.

4 сорудах. Саха сирин киин куората? Дь.к..ск.й

Петр Бекетов – Дьокуускай куораты төрүттээччи.

5 сорудах. Саха сирин президеннарын ким билэрий?

Николаев Михаил Ефимович

Штыров Вячеслав Анатольевич

Борисов Егор Афанасьевич

Николаев Айсен Сергеевич

Түмүк. Сахабыт сирэж үтүө үлэһит, дьоннордоох буолан олоҕо тубуста, сайынна. Төрөөбүт сиргин – уоккун таптаа, харыстаа, дойдугунан киэн тутун.

1. file0.docx (15,0 КБ)

Опубликовано: 07.11.2025